අප පිළිබඳ

බුද්ධ ධර්මයෙහි සඳහන් උසස් පින්කම කුමක්දැයි ප්‍රශ්න කළොත් දිය යුතු නොවරදින පිළිතුර මිනිහා හැදීම යනුයි. එනම්, මනස හැදීමයි. “මනස්ස උස්සන්නතාය මනුස්සො” දියුණු වන මනසක් ඇතොත් මිනිහා යනු බෞද්ධ විග්‍රහයයි. මිනිහා නො හදා රට හදන්න බැහැ. මිනිහාත් හදා ගනිමින් රටත් හදා ගනිමු යන සිද්ධාන්තය පහළ වූයේ එලෙසිනි.

මිනිහාගේ දියුණුව මෙලොව-පරලොව-ලෝකෝත්තර යයි තුන් කොටසකට බෙදෙයි. ආර්ථික-අධ්‍යාපනික-සෞඛ්‍ය-සදාචාරාදි දියුණුව ම‍ෙලොව දියුණුව යි. මරණින් මත්තෙහි ලැබෙන සුගතිය පරලොව දියුණුව යි. සතර මග සතර ඵලයෙන් නිවන් අවබෝධ කැර ගැනීම ලෝකෝත්තර දියුණුව යි.

සැලැස්මක් අනුව කටයුතු කිරීම මුඵ ලෝකය ම පිළිගත් සත් චාරිත‍්‍රයෙකි. එය මුලින්ම ඉගැන් වූයේ බුදුරජාණන් වහන්සේ ය. උන්වහන්සේ ගේ සියලූ කටයුතු සැලැස්මකට හා කාල සටහනකට අනුකූල වැ සිදු කළ බව සක් සුදක් සේ පෙනෙයි. එහෙයින් සියලූ කටයුතු කලටත් වේලාවටත් හොදටත් සම්පූර්ණවත් සිදු කරන්නට හැකි විය. අප ද මෙලෝ, පරලෝ හා ලොව්තුරා දියුණුව බලාපොරොත්තු වෙනවා නම් හොද සැලසුම් හදා ගත යුතු ය. එයින් ජීවන සැලැස්ම මුල් තැන ගනී. මෙහි ඉදිරියෙහි පළවන්නේ ජීවන සැලැස්මෙකි. එය අවස්ථා පහකින් යුක්ත ය. එය ඉතා සරල ය. සුන්දර ය. ත‍්‍රිවිධ දියුණුවට හොදම මාර්ගය යි.

මිනිහා නොහදා රට හදන්න බැහැ, මිනිහාත් හදා ගනිමින් රටත් හදා ගනිමු යන පිළිවෙතට හැම දෙනා ම එකතු විය යුතු ය. සහාය විය යුතු ය. ප‍්‍රචාරය කළ යුතු ය. මෙහි සදහන් ජීවන සැලැස්මට අයත් ඒ ඒ අවස්ථාවෙහි තමන්ට අයත් පිළිවෙත් කොටසෙහි යෙදෙන අතර, ඒ අවස්ථාවට අයත් ඥාති-මිත‍්‍ර-හිතවන්ත කාන්තාවනට ද මේ පිළිවෙත් සුහද වැ කියා දිය යුතු ය. ඒ මෙසේය.

ගරු උත්තර අනුශාසක ස්වාමීන් වහන්සේ

අමරපුර ශ්‍රී ධර්මරක්ෂිත මහා නිකායේ මහානායක ධුරය හොබවන අතිපූජ්‍ය තිරිකුණාමලේ ආනන්ද මහානායක ස්වාමීන් වහන්සේ ශ්‍රී ලංකාවේ බෞද්ධ ශාසනය, අධ්‍යාපනය, භාෂාව සහ සමාජය වෙනුවෙන් දීර්ඝ කාලයක් පුරා වැදගත් සේවාවක් සිදු කළ ගෞරවණීය මහා සංඝ පීතෘවරයෙකි. උන්වහන්සේ මහරගම සිරි වජිරඤාණ ධර්මායතනයේදී අග්ගමහාපණ්ඩිත අතිපූජ්‍ය මඩිහේ පඤ්ඤාසීහ මහානායක ස්වාමීන් වහන්සේගේ හා අතිගරු අම්පිටියේ ශ්‍රී රාහුල නායක ස්වාමීන් වහන්සේගේ ආචාර්ය හා උපාධ්‍යායත්වයෙන් 1969 වර්ෂයේදී පැවිදි දිවියට ඇතුළත් වූහ. 1978 වර්ෂයේදී උපසම්පදා සම්පත්තිය ලැබූ උන්වහන්සේ ධර්මය හා ශාස්ත්‍රය පිළිබඳව ගැඹුරු අධ්‍යාපනයක් ලබා ගත්හ.

තරුණ වියේ සිටම අධ්‍යාපනයට විශේෂ අවධානයක් යොමු කළ උන්වහන්සේ 1979 වර්ෂයේදී රාජකීය පණ්ඩිත උපාධියත්, පසුව බෞද්ධ හා පාලි විශ්වවිද්‍යාලයෙන් ශාස්ත්‍රපති උපාධියත් ලබා ගත්හ. මහරගම සිරි වජිරඤාණ ධර්මායතනයේ ධර්මාචාර්යවරයෙකු ලෙස කටයුතු කරමින් භික්ෂූන් වහන්සේලාගේ අධ්‍යාපනය හා චරිත සංවර්ධනය සඳහා විශාල දායකත්වයක් ලබා දුන්හ.

උන්වහන්සේගේ සේවාව ආගමික කටයුතුවලට පමණක් සීමා නොවීය. සිංහල භාෂාව හා සාහිත්‍යය කෙරෙහි විශේෂ ඇල්මක් දැක්වූ උන්වහන්සේ හෙළ හවුලේ කටයුතුවලට ද සම්බන්ධ වූ අතර, කාව්‍ය හා ශාස්ත්‍රීය කටයුතුවලද දායක වූහ. බුද්ධ ශාසනික හා බෞද්ධ කටයුතු සම්බන්ධ විවිධ ආයතන හා කමිටුවල වගකීම් දරමින් ශාසනයේ සහ සමාජයේ උන්නතිය වෙනුවෙන් කටයුතු කර ඇත.

2003 වර්ෂයේදී අමරපුර ශ්‍රී ධර්මරක්ෂිත පාර්ශ්වයේ අනුනායක ධුරයට පත්වූ උන්වහන්සේ, පසුව වැලිගම ශ්‍රී ඤාණරතන මහානායක ස්වාමීන් වහන්සේගෙන් පුරප්පාඩු වූ මහානායක ධුරයට පත්වූහ. 2014 වර්ෂයේදී එම මහානායක පදවියට පත්වීම නිල වශයෙන් ප්‍රකාශයට පත් කරන ලදී.

අතිපූජ්‍ය තිරිකුණාමලේ ආනන්ද මහානායක ස්වාමීන් වහන්සේගේ විශේෂත්වයක් වන්නේ උන්වහන්සේගේ නිහතමානී, කරුණාවන්ත සහ සරල ජීවන රටාවයි. සියලු දෙනාට සමානව කරුණාවෙන් සැලකීම, පැවිදි හා ගිහි ජනතාවට මඟපෙන්වීම සහ බුද්ධ ශාසනයේ චිරස්ථිතිය වෙනුවෙන් කැපවීම උන්වහන්සේගේ සේවයේ ප්‍රධාන ලක්ෂණ වේ.

.

ගරු උත්තර අනුශාසක ස්වාමීන් වහන්සේ

රාජකීය පණ්ඩිත ත්‍රිපිටකාචාර්ය සද්ධම්මකීර්ති ශ්‍රී විද්‍යාතිලක, ත්‍රිපිටක ශාස්ත්‍ර විශාරද ශ්‍රී ධර්මරක්ෂිතවංශාලංකාර පූජ්‍ය හක්මන සුමනසිරි හිමියෝ 2004 වසරේ සිට ධර්මවිජය පදනමේ අනුශාසක වශයෙන් ක්‍රියා කරන සේක. ධර්මවිජය පදනමේ නිර්මාතෘ සහ එහි මුල් අනුශාසක ස්වාමීන් වහන්සේ වන මහ නාහිමියන්ගේ සහ සිරි වජිරඤාන ධර්මායතනයේ අම්පිටියේ ශ්‍රී රාහුල නාහිමියන්ගේද ජ්‍යෙෂ්ඨ ශිෂ්‍යයෙකි.

මහානායක ස්වාමීන් වහන්සේ විසින් ආරම්භ කරන ලද සත්කාරයන් උන්වහන්සේ අඛණ්ඩව ඉදිරියට ගෙන යමින් මහරගම සිරි වජිරඤාණ ධර්මායතනයේ විහාරාධිකාරී ධූරය ද, 7000 කට අධික සිසු සිසුවියන් ප්‍රමාණයක් දහම් අධ්‍යාපනය ලබන සිරි වජිරඤාණ දහම් පාසලේ 1997 වසරේ සිට ප්‍රධානාචාර්ය ධූරය ද දරමින් එම ආයතනවල සිදු කරන විවිධ ව්‍යාපෘතීන් කළමනාකරණය කරමින් අතිශය කාර්ය බහුල ජීවිතයක් ගත කළ ද, දීර්ඝ කාලයක් තිස්සේ අධිශීලය රැකීමෙන් ලද කාය, වාග් සංවර පැවතුම ද මනසේ ඇති තැන්පත් බව පෙන්වන අකම්පිත, කාරුණික රුව ද, සෑම බ්‍රහස්පතින්දා සවසකම අප භාරකාර මණ්ඩලයේ මුලසුන දරා සිටීම අතිශය ප්‍රියජනක දසුනකි. රැස්වීම ආරම්භ වන්නේ ස්වාමීන් වහන්සේ විසින් දේශනා කරනු ලබන බුද්ධ වචනයෙන් අප සිත් සනහාලමින් ය.

උන්වහන්සේ මෙම සියලු කාර්යයන් මැද විවිධ ප්‍රදේශවල පිහිටි සිරි වජිරඤාණ ධර්මායතනයේ ශාඛා විහාරස්ථාන සමඟ නිසි සම්බන්ධතාව පැවැත්වීමට, ආසියාවේ මෙන්ම යුරෝපයේ ද ඇමරිකාව හා ඕස්ට්‍රේලියාව වැනි රටවල ධර්මදූත සේවයේ යෙදීමට ද, ධර්ම පුස්තක මෙන් ම කාලීන මාතෘකා යටතේ පොත් රචනා කිරීමට ද, ධර්මවිජය පදනමේ ක්ෂේත්‍ර කටයුතුවලට සම්බන්ධ වීමට කාලය වෙන් කර ගනිමින් ද, මුළු දිනයම ලෝක ශාසන සේවයට කැප කරමින් බුදු සිරිතට අනුගතව වැඩ සිටිති. 

ගරු උත්තර අනුශාසක ස්වාමීන් වහන්සේ

ධර්මවිජය පදනමේ (Dharmavijaya Foundation) ආරම්භක සභාපතිවරයා ලෙස වසර 31ක් කටයුතු කළ දේශබන්දු ඕල්කට් ගුණසේකර මහතා, 2015 මාර්තු 5 වන දින සිරි වජිරාරාමයේ ගෞරවනීය භික්ෂුවක් ලෙස 'ඤාණසීහ' යන නාමයෙන් බුද්ධ ශාසනයට ඇතුළත් විය. එම වසරේම අප්‍රේල් 1 වන දින මහරගම සිරි වජිරඤාණ ධර්මායතනයේ පිහිටි බෞද්ධ සීමා මාලකයේදී උසස් පැවිද්ද (උපසම්පදාව) ලබාගත් උන්වහන්සේ, දැනට අග්ගමහා පණ්ඩිත අතිපූජ්‍ය ත්‍රිකුණාමලේ ආනන්ද මහනායක හිමියන් වැඩසිටින බම්බලපිටිය සිරි වජිරාරාමයේ වැඩසිටිති. 2016 වසරේ සිට ධර්මවිජය පදනමේ වාර්ෂික මහා සභා රැස්වීමේදී මහානායක හිමියන් විසින් කරන ලද යෝජනාවකට අනුව, එතුමාණෝ සෑම බ්‍රහස්පතින්දා දිනකම පැවැත්වෙන සතිපතා රැස්වීමට ගරු අනුශාසක ස්වාමීන් වහන්සේ කෙනෙකු ලෙස සහභාගී වෙති.

බුද්ධ ශාසනයේ අභිවෘද්ධියට බලපාන තීරණ ගැනීමේදී සිය දායකත්වය ලබා දීම සඳහා ගෞරව සාමාජිකයෙකු ලෙස කටයුතු කරන ලෙස බුද්ධශාසන කාර්යසාධක මන්ඩලය විසින් උන්වහන්සේගේන් විශේෂ ඉල්ලීමක් කරන ලද්දේ, උන්වහන්සේ සතු පුළුල් දැනුම හා අත්දැකීම්වලින් ප්‍රයෝජන ගැනීමේ අරමුණෙනි. දේශීය හා විදේශීය වශයෙන් ධර්මය සොයන පිරිසගේ යහපත උදෙසා එතුමා සිංහල මෙන් ම ඉංග්‍රීසි භාෂාවෙන් ද කෘති කිහිපයක් සම්පාදනය කර ඇත. සිංහල සහ ඉංග්‍රීසි යන භාෂා ද්විත්වයෙන් ම ධර්ම දේශනා පැවැත්වීමේ විශේෂ හැකියාවක් ද උන්වහන්සේ සතුය.

ගිහි ජීවිතය තුළ උන්වහන්සේ අතිපුජ්‍ය අග්ගමහාපණ්ඩිත මඩිහේ පඤ්ඤාසීහ මහානායක ස්වාමීන් වහන්සේගේ කැපකරු දායකයෙකු ලෙස කටයුතු කළ අතර, සමාජයේ මෙන් ම ශාසනයේ ද යහපත උදෙසා උන්වහන්සේ සමඟ සමීපව කටයුතු කළේය. මෙම ක්‍රියාකාරකම් බුදුන් වහන්සේ විසින් දේශනා කරන ලද ආර්ථික, අධ්‍යාපනික, සෞඛ්‍ය සහ සදාචාර යන සිව්වැදෑරුම් සංවර්ධන අංශ මත පදනම් විය. මේවා 'ධර්මවිජය පදනමේ' (Dharmavijaya Foundation) මූලික කුළුණු ලෙස ක්‍රියා කරමින්, ශාසනයට මෙන් ම සමාජයට ද සේවය සලසන අතරම, සියලු මට්ටම්වල ජීවන තත්ත්වය ඉහළ නැංවීමට ද මඟ පාදයි. ගිහි අවධියේ දී අමරපුර මහානිකායයේ උත්තරීතර මහානායක අග්ගමහාපණ්ඩිත අතිපූජ්‍ය මඩිහේ පඤ්ඤාසීහ මහානායක ස්වාමීන් වහන්සේගේ කැපකරු දායකයකු ලෙස උන්වහන්සේ ඇරඹූ විවිධ ශාසනික හා සමාජ කටයුතු විෂයෙහි උර දී ළබැඳිව ක‍්‍රියා කළ උන්වහන්සේ බුදුපියාණන් වහන්සේ දේශනා කළ ධර්ම මාර්ගයට අනුගතව ආර්ථික, අධ්‍යාපන, සෞඛ්‍ය හා සදාචාර යන චතුර්විධ සංවර්ධන ක‍්‍රියාවලියක් ඇති ධර්මවිජය වැඩපිළිවෙල සමාජගත කිරීමේලාත්, යහ පාලනයකට යා වන රාජ්‍ය පරිපාලනයක් ඇති කිරීමේලාත් දැරූ මාහැඟි ප‍්‍රයත්නය මෙයිනිදු බෙහෙවින් අගය කලයුතු බව සඳහන් කළ යුතු ය. 2007 දින දර්ශන වර්ෂයේදී (බෞද්ධ වර්ෂය 2550), අමරපුර ශ්‍රී ධර්මරක්ෂිත නිකායයට වසර 200ක් සපිරීම නිමිත්තෙන්, ඕල්කට් ගුණසේකර මහතා ශාසනයට මෙන්ම සමාජයට ද කළ සේවය අගය කිරීමක් ලෙස "ධම්මවිජ්ඣාවෙහි ශාසන රංජන" යන ගෞරව නාමය පිරිනමන ලදී.

ප්‍රධාන මානව සම්පත් නිලධාරි / නියෝජ්‍ය සාමාන්‍යාධිකාරී - කොමර්ෂල් බැංකුව (වි).

සෞඛ්‍ය අධ්‍යාපන හා ප්‍රජා සෞඛ්‍ය විශේෂඥ,

වෛද්‍ය අධ්‍යක්ෂිකා - මෙඩි කෝල්ස් පුද්ගලික සමාගම.

සහකාර සාමාන්‍යාධිකාරි (වි) - ලංකා බැංකුව.

විශේෂඥ අක්ෂි වෛද්‍ය.
ප්‍රජා අක්ෂි වෛද්‍ය විශේෂඥ.

විගණන අධිකාරි (වි) - රාජ්‍ය විගණකාධිපති දෙපාර්තමේන්තුව.
ශ්‍රී  ලංකා  විගණන  සේවය.

හිටපු නියෝජ්‍ය සාමාන්‍යාධිකාරි - මානව සම්පත් / හිටපු ප්‍රධාන පරිපාලන නිලධාරි - කතෘ මණ්ඩල - ලංකාවේ සීමාසහිත එක්සත් ප්‍රවෘත්ති පත්‍ර සමාගම,
හිටපු ප්‍රධාන පරිපාලන නිලධාරි - කතෘ මණ්ඩල සහ හිටපු සාමාන්‍ය පරිපාලන - ලක්බිම ප්‍රවෘත්ති පත්තර සමාගම,
හිටපු සභාපති / හිටපු ප්‍රධාන විධායක නිලධාරි - මිඩියා සේල්ස් දැන්වීම් සමාගම.

හිටපු තත්ත්ව පාලන සහ පිළිගැනීමේ කළමනාකරු - එමිරේට්ස් විදුලි සංදේශ සංස්ථාව, එක්සත් අරාබි එමීර් රාජ්‍යය

පාලක මණ්ඩල සාමාජික සහ හිටපු සභාපති කොළඹ YMBA,
හිටපු සභාපති සහ භාණ්ඩාගාරික ධර්මවිජය පදනම,
ගරු භාණ්ඩාගාරික බුද්ධ ශාසන කාර්යසාදක මණ්ඩලය,

යාන්ත‍්‍රික ඉංජිනේරු - කොළඹ මහා නගර සභාව, ජල සම්පාදන හා ජලාප‍වහන අංශය.